Mit ämä starchä Team lüeged mir entspannt i diä 9. Hittä-Saison. Voll motiviert uf all das wo ys diä Saison erwartet. Herzlich willkommen!
Brigitta & Richi
Am Liäbschtä i dr Natür unterwägs, ob ds Fuäss, uf dä Ski oder uf em Velo. Salbithittä isch „Härzort“ für mich, ich freiwä mich mit minä Hittägspändli ä hüffä Lyt us dr ganzä Welt chännä ds bewirtä.
Freiwä mich uf d Hittäsaison 2026
Eveline
D’ Natur – mis zweite Daheime. Wandere, sekle, skine, langlöife oder gleitschirmflüüge ghöre zu mim Läbe.
Für mi ischs die erschti Saison als Hüttenhilfe und e langjährige Wunsch dert dörfe ds schaffe woni am liebschte bi- i de Bärge. Mit grosser Motivation, riese Nöigier u offenem Härz fröie ig mi auf aues wo mi a däm wunderschöne Fläcke Ärde erwartet.
Tanja
Dussä deheimä und sältä lang still: am liäbschtä am fels, ufem gravelbike, ih laifschuäh, ufem brätt oder eifach irgendwo zwisched bärgä & wiitblick unterwägs. frischi luft, bewegig & d‘natür sind mis ding.
ich freiä mich riesig wieder als hittähilf deffä ah z‘packä – uf d‘bärgluft, langi täg, miädi bei & viel tolli begägnigä.
Melina
Am liebstä dussä sportlich aktiv, egal ob mit de Laufschuhe, de Langlauf- oder Alpineski, em Gravelbike oder mit de Wanderschuhe
Mit de Ziet uf de Salbit erfüllt sich än langjährige Traum
Rahel